Pakistan PM hlui Sharif-a jail-ah dah let

Pakistan Prime Minister hlui Nawaz Sharif-a chu Ningani khan a ngen angin damdawi-in aṭangin Lahore-a Kot Lakhpat Jail-ah dah let a ni. 

Nawaz Shariff-a hi kum sarih lung-in tang tura hrem a ni a, Kot Lakhpat Jail-ah tantir a ni. Mahse kar kalta Inrinni khan a hriselna ṭhat tawk loh vangin Sevices Hospital-ah dah a ni. Sharif-a fanu, Maryam Nawaz chuan Pakistan Tehreek-e-Insaf sorkar chuan a pa hriselna dinhmun chu a ngaihven tak tak lo tih sawiin, hei vang hian a pa chuan jail-ah dah let leh mai a ngen tih a sawi. A pa chunga thil thleng a awm a nih chuan Prime Minister Imran Khan-a sorkar chu a mawhphurtu tur a nih thu a sawi. Maryam chuan a pa chu lung lama harsatna nei a ni tih an hre vek a, mahse hetichung hian Pakistan sorkar chuan heart specialist awm lohna damdawi-inah a dah lui niin a sawi.