Haiti President bang turin phut

Haiti ramah eptuten nawrh huaihawtin, President Jovenel Moise chu bang turin an phut. 

Haiti khawpui, Port-au-Prince leh khawpui dangahte nawrh hi ni li chhung huaihawt a ni tawh a, nawrh huaihawtnaa buaina chhuak vangin mi pali an thih tawh bakah, mi dang eng emaw zatin hliam an tuar bawk. 

President Mosie leh sorkar official ṭhenkhatte chu eirua puhin mipuite hian bang turin an phut a ni. Nawrh huaihawt vang hian March thla tir lama carnival festival neih turte pawh khawpui eng emaw zatah chuan ṭhulh a ni tawh. 

Kum 2017-a thu-neihna a chan hnuah President Moise hi aVenezuela-in Haiti tana development loan a pek chu dik lo taka hmanga puh a ni a, he thilah hian official leh minister hluite pawh an inhnamhnawih niin eptute chuan an puh bawk. Haiti hi ram rethei tak niin, an ram mipui zinga 60% vel chu ni khatah dollar 2 ringa khawsa anga chhut an ni.