Mihringa bird flu kai hmasa ber Russia-ah hmuchhuak

Russia sanitary official chuan kar liam ta Inrinni khan bird flu tia hriat lar, avian influenza A(H5N8) virus chu an ramah mihringa kai hmasa ber hmuh chhuah a nih thu a puang. 

Inrinni khan Russia chhim lama ar vulhna hmun (poultry farm)-a thawk mi pasarih chuan bird flu hi an kai tih finfiah a nih thu Russia consumer rights and human well-being watchdog Rospotrebnadzor hotu Anna Popova chuan a sawi.

Bird flu kai mi pasarihte hi khunghran nghal an ni a, Popova chuan mi dang an kaichhawn lohna turin theihtawpa hmalak nghal a nih avangin hlauhthawnawm a nih loh thu a sawi. Heng hri kai te hi an dinhmun ngaihtuah awm a nihb loh thu leh he hri hi mihring leh mihringah inkaichhawnna a awm lo nia a lan thu Popova chuan a sawi bawk.