IAEA aṭanga Iran inhnuhdawh hmain IAEA director-in Iran thleng

Iran-in UN nuclear watchdog,  International Atomic Energy Agency (IAEA) additional protocol aṭanga inhnuhdawh a tum lai mekin, IAEA director Rafael Grossi chu kar liam ta Inrinni khan Iran khawpui Tehran a thleng.

Nikum December thla khan Iran Parliament chuan kum 2015-a nuclear deal an lo siam tawh zinga hmalakna tura mi, nuclear facility chungchanga UN inspection tihtawpna tur bill chu a pass a ni. Kumin February 15 khan Iran chuan IAEA hnenah Iran-in 2015-a nuclear agreement an lo siam tawh zinga mi angin, an hmalakna tur zinga UN-in an rama nuclear chungchanga inspection a tih ṭhin chu February 23 hian tihtawp an tum thu lehkha thawnin a lo hrilh tawh bawk. 

Hemi chungchangah hian Rafael Grossi chuan Iran nuclear department hotu Ali Akbar Salehi leh Iran president Hassan Rouhani chu a hmu dawn nia sawi a ni.