Thailand election panel-in PM candidate aṭangin princess hnawl

Thailand Commission chuan prime minister thlanna neih tura an ram lal, King King Maha Vajiralongkorn-a farnu, Princess Ubolratana Rajakanya Sirivadhana Barnavadi-i chu candidate a nihna aṭangin a hnawl. 

Election Commission hian Thawhṭanni khan party-te official candidate list a tichhuak a, hetah hian Princess Ubolratana hming hi a tel ve lo. Princess Ubolratana-in inthlana chuh a tum thu a sawi hi King Vajiralongkorn chuan a thlawp lo a, lal chhungkua member tan politics-a inrawlh chu thil tihawm lo tak a nih thu pawh a lo sawichhuak tawh a ni. 

Thawhṭanni khan election panel chuan PM candidate list hi an enfiah a, lal chhungkua member-te chu politics-a inrawlh lo tura tih leh, politics lamah ṭanbik nei lo tura tih an nih avangin hei hian Princess Ubolratana pawh a huam tel a, hei vang hian candidate list aṭangin paih a ni ta tih an sawi. Princess Ubolratana hi Thaik Raksa Chart party-in PM candidate atan hian an nominate a ni.  

March 24-a Thailand inthlanpui neih tur hi kum 2014-a sipai chakna hmanga sorkar paihthlak a nih hnua inthlan an neih lehna hmasa ber tur a ni. PM candidate zingah sipai sorkara hotu ni mek, Prayuth Chan-ocha pawh a tel.