US-in Pakistan-a zin tumte fimkhur turin chah

US chuan Pakistan rama firfiaka chetna thleng ṭhin avangin America mi, Pakistan rama zin tumte chu fimkhur turin a chah. 

State Department chuan thuchhuah siamin, America mite chu Pakistan an zin a nih pawhin Balochistan province leh Khyber Pakhtunkhwa (KPK) province-te tlawh lo turin a ti a, hei bakah hian Federally Administered Tribal Areas (FATA) leh Pakistan-occupied Kashmir te pawh buaina a thlen fo avangin tlawh lo turin a ti bawk. 

Firfiak pawlte chuan Pakistan-ah hian pawikhawihna an thlen fo a, transportation hub, market, shopping mall, aiport, university, tourist location, school,  hospital, sorkar hmun pawimawh leh sakhaw hmunte pawh warning pe lawk loin an bei leh ṭhin a ni, tiin State Department chuan a tarlang.