Nigeria: President candidate-ten intiamkamna ziak

Nigeria rama President thlan tura candidate-te chuan inthlanna felfai leh boruak ṭha a awm theihna turin peace deal an ziak vek. 

Nigeria khawpui, Bhuja-ah president can-didate-te hian intiamkamna hi an ziak a, President Muhammadu Buhari leh eptu pawl lian ber candidate Atiku Abubakar chuan inthlan muanawm tak a awm theih ngei an tiam. President thar hi naktuk hian an thlang dawn a ni. 

Peace deal ziaktu, president candidate-te chuan amahni thlawptute chu tharum thawhna lam hawi leh, harsatna thlen thei thil lakah inthiarfihlim turin an ngen a, inthlanna felfai leh rintlak a awm theihna tura theihtawp chhuah ṭheuh turin an ngen. 

Buhari chuan, "Kan party duh lamah kan vote dawn a, mahse a tawpa pawimawh ber leh party awmchhun chu Nigeria a ni dawn a ni", a ti. Candidate-te chuan inthlan result chu pawm vek an tiam thu a sawi bawk. 

Nigeria president leh parliament inthlan hi Inrinni hian neih a ni dawn a, vote nei mi maktaduai 84 an awm. March 2 hian state governor leh state assembly member-te thlan an ni bawk ang.