Sudan President-in kum 2019 muanna kumah puang

Sudan President Omar al-Bashir chuan kum 2019 chu an ram tan muanna kumah a puang. 

Sudan khawpui, Khartoum-a Popular Defence Force lawmna inkhawm buatsaiha thu a sawiah, President al-Bashir chuan kum 2019 chu Sudan ram tana muanna leh silai ri a reh kum tur a nih thu a sawi. A kaihhruai sorkar chuan ṭhalaite hmakhua a ngaihsak thu sawiin, an duhthusam leh beiseina neihte tihhlawhtling thei tura an puih tur thu a sawi. 

President chuan kum 1989-a din, Popular Defence Forces chu tihtawp a ni mai dawn lo tih a sawi a, Sudan mipuite tana thawktu ṭangkai tak a nih thu a sawi. Popular Defence Forces hi parliamentary force niin, Sudan army hnuaia peng pakhat anga ngaih a ni. He force-ah hian volunteer sang tel an awm a ni.