Russia, Turkey leh Iran-ten thawhho tum

Russia, Turkey leh Iran chuan Syria buaina chinfel a nih theihna tura thawhho an rel. 

Ram pathum president-te hian Russia-a Sochi khawpuiah trilateral summit an nei a, he hunah hian firfiaka chetna dona kawngah te, Syria ram buaina chingfel tur leh an ram mipuite dinhmun siamṭha tura kawng hrang hranga thawhho an rel a ni. 

Russia President Vladimir Putin chuan Syria ram dinhmun siamṭha tura hma la tu tur, constitutional committee in hna a thawh thuai theihna turin ram pahnihte chuan theihtawp chhuah an rel tih a sawi a, committee hmalakna turte chu pawm thuai a ngai tih a sawi bawk. Hemi rual hian a hnathawh dan tur duan tam zawk chu Syria sorkar leh eptu pawlte pawhin an pawm tih a sawi. 

Russia, Turkey leh Iran te hian kum 2016-a Syria ram tualchhung buaina a thlen aṭangin muanna a awm theihnan hma an lo la fo tawh tih sawiin, Putin chuan Syria ram boruak ṭha a awm theihna turin pawhin nasa takin an pui tih a sawi.