Britain Parliament-in May-i Brexit plan B hnawlsak leh

Britain Parliament chuan European Union aṭanga Britain inlakhranna tura Prime Minister Theresa May-i Brexit plan B chu an hnawlsak leh. 

Kar hnih liamta khan Parliament hian May-i leh European Union hruaituten Withdrawl Agreement an lo siam tawh chu Britain tan a him tawk lo nia sawiin an lo hnawlsak tawh bawk a ni. May-i party, Conservative Party MP 118 ngei pawhin he agreement hi an hnawl a ni. 

Ningani khan May-i Brexit plan B hi Parliament-ah ngaihtuah a ni leh a, vote lak hma hian May-i hian a ruamhmanna siam ṭhat hi thlawptu a ngah tawk dawn niin sawi mah se vote laknaah MP 305 chuan hnawlin a thlawp lamah vote 258 a tla thung a ni. Withdrawal agreement an siamah hian kumin March 29 hian EU aṭanga inlachhuak tura tih a ni.