Ram 25-in Venezuela ṭanpuina tur dollar mtd 100 pek tiam

US national security advisor John Bolton chuan tualchhung buaina tawk mek, Venezuela ram ṭanpuina turin ram 25-te chuan US dollar maktaduai 100 pek an tiam tih a puang. 

Ningani-a Washing-ton-a Organization of American States (OAS) in Venezuela puala conference a huaihawtah member ram 25-te chuan Venezuela  mipuite ṭanpuina pek hi an tiam a ni. OAS working group coordinator David Smolanksy chuan ṭanpuina sum hi Colombia leh Brazil bakah Curazao-a Venezuela mite puala collection center siamah pek a ni dawn tih a sawi. 

Conference neih hma hian Venezuela eptu hruaitu leh acting president-a inpuang, Juan Guaido-a aiawh Carlos Vechchio chuan an ram tana pawimawh hmasa ber chu mipuite chhawmdawlna tur thawn luh a ni tih a sawi.  Guaido-a hmalakna hnuaiah US chuan Venezuela chhawmdawlna tur hi a thawn a, mahse heihi Venezuela President Nicolas Maduro-a kaihhruai sorkar chuan duh loin, President thupek hian sipaite chuan ramri bul kawngpui an lo dang a ni.