Russia-in anti-ballistic missile enchhin
Russia chuan nimin khan Kazaskhstan-a Sary Shagan testing range aṭangin anti-ballistic missile thar chu hlawhtling takin a enchhin.
Test-firing hi Russian Aerospace Forces in an nei a, an mission chu a vaiin a hlawhtling tih an sawi. Russian Defence Ministry chuan an twitter-ah test site-a missile enchhin tur phura motor lian pali tlan lut lai video minute 1.56-a thui a tilang bawk. Anti-ballistic missile thar enchhin hi eng ang tak nge a ni tih erawh sawichian a ni lo.
Russia hian S-500 Prometey/55R6M Triumfator-M surface-to-air missile/anti-ballistic missile system siam tumin hma a la mek a ni. S-500 Promety hi Russia-in India, Turkey leh China hnena a supply, S-400 Triumf (NATO reporting name SA-21 Growler) air defence missile system aia changkang zawk tur a ni.
US intelligence chuan S-500 missile system hian enchhinnaah target km 481.2 a hla ami chu a kap fuh phak tih a sawi a, hei hi a record hmasa aiin km 80 dawnin a thui a ni. Russia sipaite chuan kum 2020-ah S-500 hi an hmang ṭan thei tawh dawn a, an hman lai A-135 anti-ballistic missile system thlakna atan hman a ni ang.