Malaysia-in Huawei investment tih an remti

China ram khawpui Beijing-a cham mek Ma­laysia finance minister Lim Guan Eng chuan Thawhṭanni khan Hu­awei-in Malaysia-a investment an tih chu an remtih piah lamah an lawm hle tih sawiin; Huawei bakah hian Chinese company dangte pawh an rama investment tih an remti tih a sawi.

China news agency lian Xinhua-in an kawm­naah Lim Guan Eng chuan ram dang company invest­ment ti duhte chu an rintlak a, mawhphurhna hlen zo an nih phawt chuan an pawm theih reng thu a sawi a ni. Lim Guan chuan teh­nology hmasawnna leh globalization ṭhang zel chu policy eng emaw hmanga dan theih a nih loh thu a sawi bawk.

Lim hian China-a a cham chhung hian Shenzhen-a Huwaei leh Chinese com­pany-te hmunpui a tlawh dawn a, hei hi ram pahnih inkara sumdawnna kawng-ah leh economy hmasawnna kawnga thawhdunna ṭha a awmna tur atana hmalakna a ni.