US VP-in Iran nuclear deal titawp turin EU nawr

United States huaihawta Poland khawpui, Warsaw-a Middle East Conference neihah US Vice President Mike Pence chuan an thawhpui Europe ramte chu US in Iran a hrekna bawhchhiat tumah a puh a, hemi rual hian Iran nuclear deal aṭanga inhnuhdawk turin a phut nghal bawk. 

Mike Pence chuan Iran nuclear deal aṭanga nikuma US a inhnuhdawh leh, Iran hrekna a siam zui leh hnuah he inremna siamah EU ramte chu an la tel chhunzawm zel avangin a dem thu a sawi. "Europe-a kan thawhpui ram ṭhenkhatten min thawhpui ṭha lo hi a pawi hle a ni. Hei mai ni loin Iran hrekna siamte tihch

hiat tumin an bei zawk a ni", a ti. 

US in Iran hrekna a siam chung hian thla hmasa khan Germany, France leh Britain chuan Iran-a sumdawna an kalpui tum Europrean firm-te puihna tur an duang a ni. Pence chuan EU-in Iran nena insumdawn tawnna kalpui a tum chu America hrekna siam palzutna leh tihchhiat tumna a ni, a ti. Warsaw-a Middle East conference-ah hian France leh Germany chuan top diplomat pawh an tir duh lo a, Iran chuan he conference hi Iran dodalna leh tihchhiat tumna niin a puh.