Saudi Prince-in Pakistan tlawh dawn

Saudi Arabia Crown Prince Mohammed bin Salman chu vawiin hian ni hnih cham turin Pakistan-ah a zin dawn. 

Saudi Prince hian Pakistan Prime Minister Imran Khan bakah army chief Qamar Javed Bajwa a kawm dawn a, a cham chhung hian ram pahnihte insumdawn tawnna tur US dollar tluklehdingawn 14 hu inremna an ziak dawn a ni. He trade deal hi Paksitan rama foreign investment lian ber tur a ni. Saudi Arabia hian Pakistan-in leiba avanga harsatna a tawh mek laka khaichhuahna turin dollar tluklehdingawn 6 pek a lo tiam tawh bawk. 

Prince Mohammed zin dawn vang hian venhimna lam pawh tihkhauh a ni a, Thawhlehni khan security lam enfiah tur leh duty turin Saudi Arabian Royal Guard 123 chuan Pakistan hi an thleng tawh a ni. Crown Prince hi Prime Minister House-ah a thleng dawn a, a thlenna tura hian a pualin gym pawh siam a ni, Prince leh amah zuitute hman tur hian car 300 ruahman a ni bawk. Prince hi lal chhungkaw member dang bakah minister leh sumdawng palai eng emaw zatin an zui dawn a ni.