US hreknain official-te ni loin mipuite a tuar tir : Iran

Iran chuan US-in an ram hrekna a siam thar leh chuan tuartir a tum official-te ni loin mipui nawlpuite a tuartir zawk tih a sawi. 

US President Donald Trump chuan 2015 Iran nuclear deal aṭanga US a inhnuhdawh thu a puan hnuah Iran hrekna hi a siam thar leh nghal a ni. He hrekna hi official-te hrem tumna ni mah se, a tuartu tak chu mipuite an ni zawk nia sawi a ni. 

Ram pahnihte inkar boruak hi a ṭha lo chho hle. US chuan Middle East-ah sipai tam zawk a tirh belh a, Iran pawhin tun hnaiah US military surveillance drone chu an ram china thlawk luta puhin a lo kah thlaksak tawh bawk.  

Iran Parliament speaker Ali Larijani chuan Middle East-a US sipai dah belh an ni chu sawiselin, US chuan a duh huna kala an ram chu laksak mai theih angah a ngai a ni, a ti. An ram an bei a nih ngat chuan an thiltih man chu an pek ngei a ngai dawn tih a sawi. 

Mipui nawlpuite chuan US-in an ram a hrek avanga economy lama harsatna awm tur chuan a tihlauthawng tih an sawi a, ram pahnihte chuan inbiakrem dan ngaihtuah se an duh thu an sawi.