US-in China missile enchhin sawisel

US chuan China chu South China Sea-a missile enchhinah puhin na takin a sawisel zui nghal. 

China chuan a ṭhenawm ram dangte nena an inchuh buai mek, South China Sea-ah military drill a neih thu a sawi a, missile enchhina puhna erawh a chhang chiang duh lo. 

South China Sea hi China leh a ṭhenawm ram, Taiwan, Philippines, Brunei, Malaysia leh Vietnam-te chuan neitu niah an inchhal vek a ni. Mahse China hian he tuipui huam chhunga hmun zau tak, 'nine-dah line' tiha artificial island-ah chuan sipai hmunpui a siam a ni. 

China chuan military drill a neih hma hian Spratly leh Paracel thliarkar inkarah ni nga chhung chu lawng kal tir phal a nih loh thu a lo sawi tawh a ni.