Japan: Ruahsur nasa vangin Mi 8,00,000 sawn chhuak
Japan-ah chuan tunhnaiah ruah a sur nasat avangin tuilian leh leimin thleng thut thei laka invenna atan mi 8,00,000 chu an awmna hmun aṭangin hmun him lamah an sawnchhuak.
Kagoshima city, Kirishima leh Aira-a chengte chu thuneitute chuan hmun him lama insawnchhuak turin an ti a, hetih lai hian lei tawlhin Kagoshima nu pakhat chu a chhilhhlum nia tarlan a ni.
Prime Minister Shinzo Abe pawhin mipuite chu an himna ngaihtuah turin a chah a, Kagoshima prefecture pawhin Japan self-defence force-te chu chhawmdawl hna thawhna kawngah an puihna a dil tawh tih governor Satoshi Mita
zono chuan a sawi bawk.
Weather official-te chuan Zirtawpni aṭang khan ruah 1,000mm (39in) a sur thu an sawi a, Japan Meteorological Agency-te chuan tunkar chhung hian ruah hi a la sur chhunzawm mai thei tih an sawi a ni. Nikum July thlaah khan Japan khawthlang lamah hian tui a len avangin mi 200 an lo thih phah tawh bawk a, 1982 hnua Japan in ruahsur nasat vanga chhiat an tawh nasat ber ṭum a ni hial.