Iraq-ah IS firfiak 18 that
Iraq security force leh US kaihhruai ṭangrual pawl-te chuan beihpui an thlaknaah Nilaini khan Islamic State (IS) firfiak 18 an that.
Anbar western province-a beihpui an thlaknaah IS pali an that a, an lirthei an tichhe bawk tih Joint Operations Command (JOC) media office chuan thuchhuah an siamah an tarlang. JOC chuan paramilitary tribal fighter-te hian Akashat area-a firfiakte bikrukna chu an bei thut tih an tarlang bawk.
Nilaini vekah khan Syria nena an inrina chhak lam, Sneislah Lake chhim lama IS bihrukna chu ṭangrual pawlte chuan thlawhtheihna hmangin an bei a, hetah pawh hian mi pali an that tih JOC chuan an tarlang.Nineveh northern province-ah pawh Iraq sipaite hian beihpui thlak ve bawkin provincial capital Mosul-a Sekheirat area-ah IS pahnih an that ve bawk a, an lirthei pawh an tichhia a ni. Hemi bakah hian tunnel an tihchhiatah IS firfiak panga thah an ni tih an tarlang bawk.
US kaihhruai ṭangrual pawl thlawhtheihna chuan intelligence aṭanga an thudawn bawhzuiin, al-Munayif tlang thlang lam thlaler hmunah IS lirthei a bomb a, hetah hian firfiak pathum an thi leh bawk a ni. 2017 kum tawp lama Iraq security force-ten IS-te an hneh hnu khan Iraq boruak hi muangchangin a ṭha chho ve zel a, mahse firfiakte hian hmun ṭhenkhatah chuan thawm an la nei ve reng thung.