Pakistan leh Iran-ten Insumdawn tawnna tihchak remti

Pakistan leh Iran chuan ram pahnihin economic lama inlaichinna an neih leh insumdawn tawnna kawnga ṭha zawka thawhdun an remti.

Ram pahnih hian 8th Pakistan-Iran Joint Trade Committee neih mekah inremna hi an siam a ni. He Committee ah hian Iran aiawh- Minister of Industry, Mines and Business Reza Rahmani kaihhruaite chu an tel a, Pakistan aiawhin Prime Minister's Advisor on Commerce and Textile Abdul Razak Dawood kaihhruaite chu an tel thung.

Joint Trade Committee hi Ningani-a neih kha ni a, meeting-ah hian Pakistan chuan Iran chu an insumdawn tawnna kawnga harsatna awmte sukiang a, ram pahnih insumdawn tawnnain a thlen theih chin tak tak an thlen theihna tura hma la turin a ngen. Iran hnenah hian ramri kana lirthei leh bungrua thawn luha chhiah lak dan turahte hmalak dan tur an duh dante an thlen bawk.

Iran aiawhte pawhin buaina awm thei ang zawng zawngte chu chinfel an tiam a, ram pahnihin an ṭhatpui theih ve ve tura hmalak an tiam a ni.