Kum 70 chuang chhunga US President zinga I-Day thuchah sawi hmasa ber Trump
US President Donald Trump chuan nimin khan Washington DC-a Lincoln Memorial hmaah Independence Day thuchah a sawi.
Donald Trump hi kum 70 chuang chhunga US President zinga I-Day-a thusawi hmasa ber a ni a, a thusawi ngaithla tura pungkhawm pawh hi an tam hle.
Trump chuan a thusawinaah hian US sipaite chu fakin, "Kan history kan lawm a ni, kan mipui, leh kan hero zawng zawngten kan puanzar chhuang takin an humhim - United States military-a mipa leh hmeichhe huaisen tak takten", tiin a sawi.
US President chuan America mipuite chu an history-a an chian chhung chuan America chuan tih theih loh a nei dawn lo a ni, a ti bawk.
President Trump chuan Mars-a US flag phun a tiam bawk a, Trump thusawi ngaithla tura pungkhawm zingah hian amah thlawptute mai bakah eptu lam pawh an tel a ni.