Nepal sorkarin Dalai Lama birthday lawm a phalsak lo

Nepal rama Tibetan hnamten Tibet sakhaw hotu, Dalai Lama piancham lawm an tum chu Nepal sorkar chuan a phalsak lo.

Dalai Lama hi Inrinni khan kum 84 a tling a, amah zuitute chuan a piancham lawmna hi Kathmandu khawpuiah buatsaih an tum a ni. Mahse Nepal sorkar chuan security thil vangin an dilna hi a hnawlsak tih a sawi. 

China chuan Dalai Lama hi an ram aṭanga inlakhran duhtu, mi hlauhawm tak niah a ngai thung. Tibet mi 20,000 vel zet chenna, Nepal ram pawh Dalai Lama a ngaihdan ang hi ṭawmpui lo turin a nawr fo a ni. Nikum pawh khan China sorkar ngenna avangin Nepal airport immigration thuneitute chuan US citizen, Tibetan origin chu an rama luh a lo phalsak lo tawh bawk. 

Kathmandu assistant district administrator Krishna Bahadur Katuwal chuan Dalai Lama piancham lawmna buatsaih phalsak a nih loh chhan chu midangten buaina an rawn chawhchhuah an hlauh vang a ni tih a sawi a, dan leh  thupek lamah buaina a awm theih thu a sawi.