US-in Taiwan hnenah ralthuam USD tld. 2.2 man hralh a remti

US State Department chuan China-in a sawisel chungin Taiwan hnenah ralthuam, US dollar tluk­lehdingawn 2.2 man hralh a remti tih Pentagon chuan a sawi. 

China Foreign Minis­try chuan thla hmasa khan US-in Taiwan hnenah ralthuam a leitir maithei tih thu sawi a nih khan US hnenah an inkar inlaichinna tihchhiat a nih lohna tura kaltlang pui lo turin a lo nawr tawh a ni. 

Taiwan-in US hnena leitir tura a ngen zing­ah hian General Dynamics Corp M1A2T Abrams tank 108 leh Stinger missile 250 a tel tih Defence Security Cooperation Agency (DSCA) chuan a sawi.