Bangladesh Chief Justice hlui eiruk thubuai siamsak

Bangladesh anti-graft office chuan an ram Chief Justice hlui Surendra Kumar Sinha chu eiruk thubuai a siamsak. 

Surendra Kumar Sinha hi kum 2017 khan sorkar duh loh zawnga thutlukna a siam avangin bang tura nasa taka nawr nia sawi a ni a, a ban hnuah ramdangah a tlanchhe zui nghal a ni. Eptu pawl hrang hrangte chuan Sinha tlanchhiat hial a ngai hian an ram prime minister Sheikh Hasina kaihhruai sorkar chu rorelna kawnga rin ngam a nih loh zia a tilang tih an sawi thung. 

Nilaini khan Anti-corruption commission chuan Sinha leh midang 10 lakah eiruk thubuai leh dik lo taka thuneia puhna hi a ziaklut. Sinha hi Bangladesh chief justice ni tawh zingah thubuai siamsak hmasa ber a ni.