ASEAN defence minister-ten inremna siam

Bangkok, Thailand-ah July 11, Ningani khan Association of Southeast Asian Nations (ASEAN) 13th Defence Ministers Meeting (ADMM) neih a ni a, hetah hian minister-te hian ASEAN member ramte inpumkhatna tur leh ramdang aṭanga hlauhawm thleng thei laka invenna tur atan Joint Declaration on Sustainable Security an sign.

Thailand Deputy prime minister leh defence minister ni bawk Prawit Wongsuwon chuan thuthar thehdarhtute hnenah Nilaini aṭanga Zirtawpni inkar khan ADMM chuan meeting an nei a, hetah hian joint declaration hi an ziak nghal tih a sawi. 

He meeting hian South China Sea a remna leh muanna a awm theihnan thawhhona ṭha zawk neih an rel a, kum 2002 a South China Sea chungchanga Declaration on the Conduct of Parties leh Code of Conduct in the South China Sea an siam tawhte sawt zawka kalpui a nih theih nan a hmalak an rel bawk. 

ASEAN hi kum 1967-ah din a ni a, tunah hian member 10 - Brunei, Cambodia, Indonesia, Laos, Malaysia, Myan­mar, Philippines, Singa­pore, Thailand leh Viet­nam-te an awm mek a ni. India Look East Policy hi ASEAN ramte hmasawnna behchhana siam a ni.