US-in Myamnar military official pahnih hrek belh

United States chuan Thawhṭanni khan Myanmar sipai official pahnih hrekna a siam belh leh. 

US Department of Treasury chuan thuchhuah siamin, Myanmar State Administrative Council member, military official pahnih Lieutenant General Moe Myint Tun leh General Maung Maung Kyaw-te hrek an nih leh thu a sawi. 

Tun thla tir lam khan US hian Myanmar sipai official 10 bakah sipai nena inkaihhnawihna nei pawl pathum a lo hrek tawh a ni. Heng sipai hotu hrekna hi US-a an thil neihte khawih chet theih loha siam niin, US company leh mimalte pawh heng mite hi inzawmna an neihpui  khapsak an ni bawk. 

Sipai hotute hrek belh an nih lehna chhan hi security force-ten boruak ṭha tak hnuaia nawrh huaihawtte lamah silai hmetpuak a, silai muin a fuh avanga nawrh hauihawt zinga mi pathumin nunna an chan avanga an chhan letna a nih thu Treasury Department office chuan a tarlang.