EU-in hrekna siam remti

European Union foreign minister-te pawhin sipai chakna hmanga civil sorkar paihthlatu, Myanmar sipaite hrekna siam hi an remti bawk. 

EU foreign policy hotu Josep Borrell chuan hrekna an siam tur hian Myanmar nena insumdawn tawnna lama nghawng dawn lo a, Myanmar ram mipui nawlpuiten harsatna an tawh phah dawn lo tih a sawi. 

Ram hrang hrangten Myanmar sipaite chet dan dema hrekna siamah an vau hnuah pawh, Myanmar sipai Tatmadaw chuan civil sorkar kutah thuneihna pek let a tum lo. 

Inthlanpui an buatsaih ang a, he inthlana hnehna changtu hnenah thuneihna chu an pe dawn tih an sawi a, mah se inthlan buatsaih an tum hun pawh hi an la sawi chiang lo thung a ni. 

Myanmar sipaite hian February 1-a civil sorkar thuneihna an hneh­chhuh hnu khan kum khat atan ram pumah state of emegency an puang zui a ni.