Mexican drug lord El Chapo nupui man

Mexican drug cartel boss Jaoquin 'El Chapo' Guzman-a nupui, Emma Coronel Aispura, kum 31 mi chu Thawhṭanni khan US-ah man a ni a, thubuai siamsak nghal a ni. 

El Chapo hi kum hnih liam ta khan US-a ruihhlo tam tham tak tawlhru ṭhina puh  anih chungchangah thiam loh chantir a lo ni tawh a ni. Mahse jail-a tang chungin El Chapo hian ruihhlo tawlhru ṭhin pawl a siam hi a enkawl zui zel a, hemi kawngah hian a nupui hian a pui ṭhin nia sawi a ni. 

Thawhṭanni khan Virginia hmar­lama Dulles International Airport-ah Emma Coronel Aispuro hi man a ni a, US depart­ment of justice chuan US-a heroin, cocaine, marijuana leh metham­phetamines-te thawnluh tuma puhin thubuai a siamsak a, nimin khan Washington-a federal court-ah hruai nghal a ni bawk. 

Coronel thubuai siamsakah hian kum 2015-a Mexico tan-in aṭanga a pasal a tlanchhuahna leh, kum 2016-a tan-in aṭanga tlanchhuah a tum ṭum hnihnaah pawh khan a inhnamhnawih bawk nia tarlan a ni. Hetih lai hian Mexico official pakhat chuan Coronel hi Mexico ramah wanted a ni ve lo tih a sawi thung.