Pakistan-in Saudi Prince chawimawina hlan

Pakistan chuan Saudi Crown Prince Mohammad bin Salman chu civil mite hnena chawimawina a pek san ber, Nishan-e-Pakistan (Order of Pakistan) a hlan. 

Nimin khan Pakistan President Arifl Alvi chuan chawimawina hi a hlan a ni. 

Saudi Crown Prince hian Pathianni khan ni hnih cham turin Pakistan hi a thleng a, Pathianni khan Pakistan rama investment, dollar tluklehdingawn 20 hu siamna tur inremna an ziak a ni. Hei bakah hian ram pahnihte hian thawhdunna tur inremna pasarih an ziak bawk. Heng zingah hian Gwadar-a dollar tluklehdingawn 10 senga refinery leh  petrochemicals complex siamna tur pawh a tel. Saudi Prince hian Pakistan bakah India leh China te a tlawh dawn a ni.