US dollar tld 5.8 chawi turin Pakistan ti

World Bank arbitration court chuan Tethyan Copper Company leh Pakistan sorkar thawhdunna chu Pakistan lamin an tih ṭhuanawp avangin Pakistan sorkar chu US dollar tld 5.8 chawi turin a ti. 

Tethyan Copper hi joint venture company niin Chile-a Antofagasta Plc (ANTO.L) leh Canada Barrick Gold (ABX.TO)-te ṭang kawpin kum 2000-a an din a ni. He company hian mineral hrang hrang Reko Diq hmunah hian an lo laichhuak fo tawh a, Reko Diq hmun hi tlangkang awmna bul Iran leh Afghanistan-ten Pakistan an rina bul a awm a ni. Khawvela copper leh rangkachak an laihchhuahna hmun lian berte zing a mi a ni bawk.

Company lam sawi danin kum 2011 khan company hian Pakistan rama Reko Diq hmunah hian US dollar mtd. 220 an lo invest tawh thu an sawi a. Mahse Pakistan hian mining laihchhuah hna hi he company nena thawhdun zel hi an rem tih loh thu company lam hian an sawi.

Kum 2017 khan World Bank-a International Centre for Settlement of Investment Disputes (ICSID) chuan dan kalh a Pakistan hi an chet thu an sawi tawh a, mahse vawiin thleng hian an thil tih dik loh hi siam ṭhat an la tum lo.

Tethyan company board chairman William Hayes chuan,"Tun thleng hian Reko Diq hmuna kan company nena mineral laichhuah hna kan thawh mek hi Pakistan hian chhunzawm zel se kan duh a, mahse anni lam hian an bengkhawn lo," tiin a sawi.