Hmeichhe EU executive chief hmasa ber Ursula Von der Leyen

German mi, Ursula Von der Leyen chu hmeichhiate zinga European Union executive chief ni thei hmasa ber a ni. 

Strasbourg, France-a European Parliament-ah July 16, 2019 khan EU hotu thar hi thlan a ni a, inthlanna hi secret ballot hmanga neih a ni. 

European Parliament-ah hian legislator mi 747 an awm mek a, chak tur hian vote 374 hmuh a ngai a ni. EU executive chief thlannaah hian vote 733 a tla a, Leyen-i chuan vote 383 hmuin tling tura vote hmuh ngai zat chu vote kua chiahin a pel a ni. 

EU hotu atana thlan thar hian November 1 aṭangin Commission President nilai mek Jean-Claude Juncker chu a thlak ang. Ursula Von der Leyen hi Brussels, Belgium-a piang leh seilian a ni. Apa hi EU-ah senior officer a lo ni tawh 

ṭhin. Leyen hi trained gynaecologist a nih mai bakah English, French leh German ṭawngte chu nal takin a thiam.