London Mayor-in 'Tulip' sak remti lo

India thisen kai London mayor, Sadiq Aman Khan chuan London khawpuia in chháwng feet 1,000-a sáng sak dilna chu a remti lo. He in chhawng sáng sak tur hi 'Tulip' tia vuah a ni. 

Tulip hian mipui tan hlawkna a thlen loh tur thu leh London landan hmelhmang tichhetu; hmanlai thil hlu tak tibo vek thei a ni, tiin Mayor hian a sawi. Tulip inchhawng sang hi Foster & Partner-te design a ni a, kum 2025-ah sak zawh beisei a ni a, Europe-a in chhawng sáng ber dawttu a ni dawn. Nikum No­vem­ber thla khan a design hi an tlangzarh a, sawiselna a dawng nasa nghal hle. London City Airport chuan air traffic lamah harsatna a thlen dawn lo tih intiam turin project siamtute hi a lo hrilh tawh bawk.

Tulip project hotute chuan London Mayor-in an dilna a remti lo chu a hrilhhaithlak hle tih an sawi. UK leh London tan sum leh paiah leh mipuite tan hlawkna tam tak a thlen dawn a, hna nei lo tan hnathar a siam dawn bakah British capital economy pawh 2045-ah chuan $1.4 billion a tling dawn tih an sawi.

Mayor Khan hi Historic England hnuaia heritage group-te chuan an support hle. Tulip hian kum khatah tlawhtu maktaduai chuang nei tur leh London ti nuamtu leh ti hausatu tur niin Tulip project siamtute chuan an ngai ve thung.