Thailand-ah Myanmar minister a zin

Myanmar sipaiin foregin minister atana a ruat, Wunna Maung Lwin chu nimin khan Thailand-ah a zin. 

Sipaiten civil sorkar thuneihna an hnehchhuh hnuah, foreign minister Aung San Suu Kyi thlak turin Wunna Maung Lwin hi an ruat nghal a ni. Sipaiin thuneihna an lak hnuah senior official zingah ram pawn lamah zin chhuak hmasa ber a ni. 

Minister hi Association of South East Asian Nations (ASEAN) hmalaknaa inbiakna nei tura zin a ni a, Thailand foreign minister Don Pramudwinai nen an inbe dawn a ni. Thailand rama cham mek, Indonesia foreign minister Retno Marsudi nen pawh an inhmuh rin a ni bawk. 

Myanmar sorkar document putruah vawiin hian Indonesia foreign minister hi an ramah a zin dawn nia tarlan a ni a, mahse Indonesia lam chuan engmah a sawilang lo thung. Marsudi hi Myanmar-ah a zin a nih chuan February 1 hnua ram dang hruaitu zingah Maynmar ram tlawh hmasa ber a ni ang.