Japan PM-in Loneliness minister ruat

Japan prime minister Yoshi­hide Suga chuan an rama mahni intihlum zat an punchhoh hnuah, tun thla tir lam khan Loneliness minister atan Teshushi Sakamoto a ruat thar. 

Japan hma hian UK chuan kum 2018 khan Loneliness minister hi an lo nei tawh bawk a ni. Japan prime minister Suga-a'n Loneliness minister atana a ruat, Sakamoto hi an rama naupiang thar zat tlahniam chungchang buaipui a, nau piang thar an tam zawkna tura hma la tura ruat a lo ni tawh bawk. 

Press conference a neihah, Sakamoto chuan PM-in portfolio thar a pek thu hi sawiin, Covid-19 hripui a len hnua Japan rama mahni intihlum, a bikin hmei­chhiate zinga an pun chhoh chungchang chu an zirchiang dawn tih a sawi. 

Khawharna leh mal lutuk nia inhriatna avanga intihhlumna thleng ṭhin titlem tura hma an lak tur thu leh, midangte nena inpawhna ṭha tak siam tura an beih tur thu a sawi.