Ecuador tan-ina intihbuaina thlengah mi 75 thi

Ecuador rama tan-in hrang hrang chhunga intihbuaina thlengah mi 75 an thi a, mi dang eng emaw zatin hliam an tuar bawk niin Thawhlehni khan official-ten an sawi. 

Buaina chhuahna hmunte Guayaquil, Cuence leh Latacunga khuaa tan-inah te niin, pawl pahnihte inkara thleng nia sawi a ni. Media report chuan tan-in chhunga buaina chhuaka thite hi silaia kahhlum leh chemtea vih­hlumte an ni tih an sawi. 

Prison agency director Edmundo Moncayo chuan tan-in hrang hrangah hruaitu nih inchuha pawl pahnih intibuai an awm tih a sawi. An intihbuaina hnu han police-te koh belhin, tan-in chhung boruak pawh a pangngai chho leh tawh tih a sawi bawk. Buaina chhuak ṭhelhtu, police zingah pawh hliam tuar eng emaw zat an awm a ni.