Pentagon-in US - Mexico ramria sipai dah belh remti

Pentagon chuan US-Mexico ramri-a Texas National Guard 1,000 leh sipai 1,100 dahbelh tura ngenna chu a pawm tih a sawi. 

Pentagon thupuangtu Major Chris Mitchell chuan, acting defence secretary Richard Spencer chuan sipai dah belh tura ngenna hi a pawm tih sawiin, Mexico ramriah hian sipai 4,500 an awm mek tih a sawi a ni. 

Nikum October thla khan Pentagon hian Mexico ramri a sipai dah belh rawtna hi alo pawm tawh a, mahse November thlaa Congress inthlan neih a nih dawn avangin hemi chungchang hi politics khelhna hmanrua atana hmangah eptu lam chuan an puh a ni. 

US president Donald Trump chuan president atana lakluh a nih tirh aṭangin dan loa an rama lut ṭhinte khuahkhirhna siam chungchang chu a buaipui a, dan loa lutte danna turin ramri hungna bang siam pawh a tiam a ni. Mahse ramri bang siamna tura a sum duh ang hi Congress-in a pawmpui thei lo a, hei vang hian kumin kumtir lam khan national emergency pawh alo puan phah tawh bawk.