Mexican drug lord Joaquín Guzmán Dam chhung tang turin hrem

Mexican drug kingpin Joaquín "El Chapo" Guz­mán chu dam­chhung leh kum 30 tang turin US judge-ten an hrem.

Guzmán hi kum 62 mi a ni tawh a, thubuai 10-ah thiam loh chantir a ni. Heng zingah hian ruihhlo tawlhruk, pawisa tawlhruk-te pawh a tel. February thla daih tawh khan New York Federal Court-ah a thubuai hi ngaihtuah a ni tawh a, thutlukna hi tarlan a ni chauh thung.

Kum 2015 khan Mexican jail-a a tan laiin leiverh aṭangin a tlanchhuak a, mahse a hnu lawkah an man leh nghal a; US-ah hian kum 2017 khan thawn zui a ni. US-a damdawi tawlhrutu pawl lian ber Sinaloa cartel-ah hotu ber a ni ṭhin.

Dam chhung tang tura hremna hi a hremna tawrh theih nep ber a ni a, ralthuam dan loa a chelek avangin kum 30 dang hi belh a ni. USD vaibelchhe 12.6 chawi tura tih a ni bawk. Colorado-a high-security prison-ah dah a ni ang.