Kabul University bulah bomb a puak

Afghanistan rama Kabul University chhim lam gate bulah nimin zing khan bomb a puak. Mi paliin nunna an chan a, mi 16-in hliam an tuar.

Bomb puah hun hi zing lam dar 7:10 bawr vel a ni. Zirlaite exam tura uiiversity pana an kal khawm hunlai tak a ni. Thi zingah hian traffic police pawh telin, inhliam zingah hian hmeichhe naupangte pawh an tel. Car pahnih pawh a chhiat thu Kabul police thupuangtu Ferdaus Faramarz chuan a sawi.

Public health ministry chuan thi zat hi paruk tih a sawi thung. Mi 27 an hliam a, damdawi-inah enkawl mek an nih thu a sawi bawk. Tun thlengin bomb puah chhan leh tute tih nge hriatchian a la ni lo.