US-in Iran drone kah chhiatsak

United States (US) president Donald Trump chuan Strait of Hormuz-ah US Navy-ten Iran drone an kah chhiatsak tih a sawi. 

President Trump chuan USS Boxer assault ship chuan Ningani khan lawng awmna bul yard 1,000 china hnaia rawn thlawk Iran drone chu mahni invenna atan a lo kah chhiatsak tih a sawi. 

Hetihlai hian Iran chuan an drone zingah kim lo a awm lo tih a sawi ve thung. US chuan tihpalh thilah ama drone ngei a kapthla zawk a nih hmel tiin Iran deputy foreign minister Abbas Araghchi chuan a sawi. June thla khan Iran chuan US drone chu he bial chhungah vek hian a lo kahthlak sak tawh a ni. 

Iran hian Pathianni khan Gullh-ah fuel tawlhruk tum nia sawi, foreign tanker leh a thawktu mi 12 a man thu a lo sawi tawh bawk.