Argentina-in Hezbollah firfiakah a puang

Argentina chuan Lebanon Hezbollah mo­vement chu firfiak pawlah puangin, an thil neihte a hreksak nghal.

An rama inbeihna thleng pahnihah Hez­bollah hi mawhphurtuah a puh a, hemi a nih avang hian Buenos Aires-a  Amia Jewish cultural centre beih a nih kum 25-na champhaah Hezbollah-te hi firfiak pawlah a puang ta a ni. US, UK, Israel leh Gulf Arab state ṭhenkhat pawhin firfiak pawlah an lo puang tawh bawk a, Latin America ram zingah erawh Argentina hi a puangtu hmasa ber an ni thung. 

Argentina Financial Information Unit chuan thuchhuah an siamah, an ram chhungah Hezbollah chuan buaina a siam fo reng tih tarlangin, Argentina, Brazil leh Paraguay-a dan loa thil tihnaah pawh a in­hnamhnawih reng tih a tarlang.

Kum 25 kal taa Amia Jewish cultural centre beihnaah khan mawhphurtu ber puh an ni a, hemi ṭum hian mi 85 zet an thih bakah mi 300 aia tamin hliam an tuar a ni.