Russia-in US hnenah damdawi hmanrua pe

Russia sipai thlawhtheihna hmangin Nilaini khan US-ah mask leh damdawi hmanrua phurh luh a ni. 

Russia defence ministry chuan medical  mask leh medical equiptment dang phurtu thlawhtheihna chu Moscow bula military base a ṭangin US lamah tirh a nih thu a sawi a, chanchin kimchang erawh a sawilang lo. Thlawhtheihna Antonvo-124 hi US-a hri leng hluar berna state, New York-a JFK Airport-ah a ṭum a ni. 

US secretary of state Mike Pompeo chuan Russia thlawhtheihna a thlen hnu hian, a twitter-ah Covid-19 do hneh a nih theihna tura thawhho zel a ngaih thu tarlangin, hei vang hian US pawhin personal protective equipment-te pawh Russia aṭanga lei a remti a ni, a ti. Inhmelmaknate dah bo a, hmelma in ang neih, khawvel mite tiralṭitu hneh a nih theihna atana thawhhona hun a ni, tiin a sawi. 

Russia-in a thawnluh zingah hian ventilator pawh a tel a, New York-a  US Federal Emergency Management Agency (FEMA) hnenah hlan nghal an ni. Russia hian a hmain Italy hnenah damdawi hmanrua a thawn bakah, expert-te pawh a lo tir tawh bawk.