Israel-in vaccine thawnchhuah tum titawp
Israel-in a thawhpui ramte hnena coronavirus vaccine thawnchhuah a tum chu sawiselna a tam avangin tihtawp rih a nih tih Prime Minister office chuan a puang.
Prime minister Benjamin Netanyahu-in ram dang hnena vaccine thawnchhuak tura ruahmanna a siam a ni. Israel-in a ram luah, Palestinian bialah vaccine neih tuma theihtawp an chhuah laia, Africa leh Latin America ramte ṭanpui tuma sorkar hma lakna hian sawisel a hlawh hle a ni.
Israel hi Covid-19 vaccine sem chhuak chak ber ram zingah a tel a, an ram mipui zahve dawn chuan vaccine dose khatna hi an dawng tawh. Palestinian Authority hnenah dose 2,000 a pe tawh bawk a, hetih lai hian West Bank leh Gaza Strip-ah hian mi maktaduai 5.2 vel an cheng a ni. Palestinian-te chuan vaccination programme a siamah Israel chuan a ram luah huama chengte a huam tel tir loh avangin a mawhphurhna ngaihthahah an puh a ni.