Hong Kong university-in students' union a hnawl

Hong Kong-a Chinese University chuan an university-a zirlai pawl, students' union hruaitu thlan tharten national security law an sawisel avangin university zirlai pawl chu a hnawl. 

Ningania university-in thuchhuah a siamah, "Union leader-te chuan university chu dik lo taka an puh bakah, campus chu an thil tum auchhuahna atana an hmang a, hei hian university hming a tichhia a ni," a ti. Students' union member-te pawh university committee danga nihna an neih zawng zawng aṭangin suspend an ni tih a sawi bawk. 

Hetih lai hian students' union leader Isaac Lam chuan democracy leh zalenna phuta an nawrna chu an chhunzawm zel dawn tih a sawi thung. University chu thuneituten an duh dan anga an thunun theih nia puhin, hei hi beih let zel an tum tih an sawi a ni. 

Kum 2019-a Hong Kong-a democracy thlawp­­tuten nawrh an huai­hawt khan zirlaite hi a hma­hruaitu ber an ni a, hei vang hian thuneitute chuan school leh univeristy-te chu thunun an tum a, official-te chuan sorkar dodalna kalpuina hmunah hman niin an puh a ni.