France-in global terrorist list-a JeM hotu telh turin rawt dawn

France chuan Pakistan firfiak pawl,  Jaish-e-Mohammad (JeM) hotu Masood Azhar chu global terrorist list-a telh turin United Nations-ah rawtna a thlen dawn. 

JeM firfiak pawl hi February 14-a India-a Pulwama hmuna CRFP convoy beihnaa mawhphurtua puh a ni a, thihchilh bomb hmanga sipai convoy beihnaah hian sipai 40 in nunna an chan a ni. 

He rawtna hi UN-a thlen vawi hnihna tur a ni. Kum 2017 khan UK leh France thlawpin US chuan UN Sanctions Committee 1267-ah JeM hotu hi global terrorist list-a telh a lo rawt tawh a, mahse he rawtna  hi United Nations Security Council (UNSC) a permanent member zinga mi, China chuan a lo dang a ni.