China-in Tibet tlawh khap

China chuan April 1 thleng ramdang mi khualzinte tan Tibet tlawh a khap. 

March 10 hi Tibet-in China awp duh lohna lantira an hel champha vawi 60 na a ni a, hemi denchhen hian buaina a chhuah leh venthawn thilah he khapna hi siam nia ngaih a ni. Khapna hi engtik aṭanga hman ṭan nge tih tarlang lo mah se, travel agency-te chu tun thla tir lam aṭang khan hman ṭan niin an sawi. Kum 2017 khan khawvel ram hrang hrang aṭangin khualzin maktaduai 25 chuangin Tibet hi an tlawh a, nikum khan khualzin tlawhtu hi maktaduai 33 chuang an tling bawk. Ram dang mi, Tibet tlawh tumte chuan Chinese visa bakah special permit an neih leh a ngai a ni.