US Pentagon-in F-35 program aṭangin Turkey a ban

Turkey-in Russia siam van boruak venhimna S-400 lei a tum vangin White House chuan F-35 Joint Strike Fighter program-ah Turkey chu a tel a rem tawh loh thu a sawi. 

United State hian Turkey chu Russia air defense system S-400 lei lo turin a lo vau tawh ṭhin a, mahse Turkey hian a thil lei tur hi ṭhulh a tum lo a; tun thla a ṭangin S-400 hi a dawng ṭan a ni. 

Turkey hi US F-16 siam chhuah phalna nei ram panga zingah a tel. US nen hian hun reitak ralthuam siam lamah inkungkaihna ṭha tak an lo nei tawh a, F-35 pawh hi US, Turkey leh an ṭhian tlemte te ṭang hoin an thiamna leh sum leh paite thawhkhawma US company Lockheed Martin Aeronautics siam a ni. 

F-35 hi stealth fighter a ni a, S-400 nen ram pakhatin hmun khata a hman chuan F-35 theihna leh chak lohna laite S-400 hian a hmuh chhuah theih US hian a hlau nia sawi a ni. Turkey hian F-35 siamna kawngah hmanraw tam tak a thawh ve a, ban a nih chuan US hian thawhpui tur ṭha tak a zawn vat a ṭul rin a ni bawk.