A ṭul chuan missile kan test ang: Iran

Iran chuan a ṭul a nih chuan missile test fire an nei dawn tih Inrinni khan a sawi.

Iran military thupuangtu pakhat chuan hemi chungchang hi sawiin Iran-in missile a neih chu mahni inven nan a nih thu leh ramdang beihna tur a nih loh thu a sawi a ni.

Kar liam ta Nilaini khan US report chuan Iran-in medium-range missile a kahchhuah chhin thu hi a tarlang a, hemi chhanlet nan Iran chuan an invenna tur a nih chuan khawi ram aṭang mahin phalna an lak a ngai lo tih a sawi.

US leh Iran inkar boruak hi tunhnaiah a chhe hle a, 2015 Iranian international nuclear deal aṭanga US president Donald Trump a inhnuhdawh hnu phei chuan an inkar boruak hi a chhe leh zual a ni.