Afghanistan vice president candidate office bei

Afghanistan vice president candidate, Amrullah Saleh office chu Pathianni khan beih a ni a, mi 20 an thi a, midang 50-in hliam an tuar. 

Interior ministry thupuangtu Nasrat Rahimi chuan Kabul-a Greent Trend office-ah hian bomb tihpuah a nih hnuin silai keng mi parukin an luhkhung a, darkar ruk vel zel an awm hnuah security force-ten an kaphlum tih a sawi. 

Rahimi chuan silai kengte hian beih an tum ber chu vice president candidate leh intelligence hotu hlui, Amrullah Saleh a nih thu a sawi. Mahse security force-te chuan Saleh hi hruai chhuakin, hmun him lamah an dah nghal tih a sawi. Saleh hian hliam na vak lo a tuar a, building chhung aṭang hian civil mi 85 chhanchhuah an ni bawk. Pawikhawihtute hi eng pawl mi nge tih hriat an la ni lo.