Australia Parliament House kawtah nawrh huaihawt

Australia Parliament House kawtah Thawhṭanni khan raltlanten nawrh an huaihawt. Nawrh huaihawtte hi Iraq, Iran, Sri Lanka, Sudan leh Somalia aṭanga raltlante bakah Myanmar aṭanga Rohingya Muslim raltlante an ni. 

Raltlante hian Austra­lia sorkarin ratlante tana permanent protection visa a pek ṭhin, temporary visa-a a thlak avangin nawrh hi an huaihawt a ni. Australia-a raltlan, khawpui lian pawn lama awm remtite hnenah sorkar chuan kum thum aṭanga kum nga thleng awm phalsakna visa hi a pe ṭhin. 

Kum 2013-a conser­vative-ten sorkarna an siam khan, temporary visa hi an rawn duang a ni. Lawng aṭanga Australia-a rawn raltlante tana poli­tical asylum tura tih a ni a, permanent protection visa erawh lawng aṭanga rawn lut ve lo raltlante tana tih a ni ve thung. Mahse sorkar chuan permanent protection visa hi temprorary visa hian a thlak tawh. Refugee Action Coalition spokesman Ian Rintoul chuan, raltlan mi sang chuang zet chuan km 650-a hla, Melbourne aṭangin Canberra-a Parliament House an pan thu a sawi.