Sri Lanka Parliament ṭhiat

Sri Lanka president Gotabaya Rajapaksa thupek angin Presidential Secretariat chuan nimin khan Parliament ṭhiatna tur hriattirna a tichhuak a, inthlanpui neih hun atan April 25 chu ruat nghal a ni. 

Parliament term tawp nan thla ruk la awm mah se, President thupekin ṭhiah a ni. President Rajapaksa hi nikum November thla khan thlan tin a ni a, mahse a thuneihna tihnep sak a nih avangin duh angin hna a thawk thei lo tih a sawi. Hei bakah hian member 225 awmna, Parliament-ah hian eptu lamin majority an neih avangin President pawh hi an khuahkhirh tlat a ni. Parliament inthlan neih tura chuh tumte tan March 12-19 thleng nomination thehluh theih a ni ang.